LIBRO
Vicente Todolí (2025)
Quisiera crear un jardín (y verlo crecer). Entre el arte y la tierra
Editorial Espasa
O curator de arte contemporánea Vicente Todolí narra a creación da súa colección de cítricos, nun xardín de Palmera, na comarca de Safor en Valencia, a partir dunha horta familiar e recuperar así a paisaxe valenciana tradicional salvada da agresividade dun urbanismo que sentenciaba estes pagos.
Económicamente rendible, o xardín utilitario serve de espazo de investigación artística, científica e gastronómica que recupera variedades citricas perdidas por pouco atractivas comercialmente e logra unha variedade só posible no contexto da súa forte cultura cítrica familiar.
A arte contemporánea incorporou ademais neste xardín un aviario do artista alemán Carsten Höller que deseñou para xilgueros, verderóns e outras aves canoras. unha gran esfera que se abre perturbadora entre as copas dos cítricos.
Vicente narra a súa formación académica e introdución no mundo da arte contemporánea, o seu traballo profesional na Fundaçao Serralves de Oporto, na Tate Modern Gallery de Londres e no Pirelli BicoccaHangar de Milán, periplo que continúa nesta creacion propia de horta botánica que supón unha volta á paisaxe rural e un legado final.
"Todos tendríamos que construir un jardín, no importa el tamaño, para crear islas, grandes o pequeñas. Y si esos jardines se convirtieran en un archipiélago, la tierra sería un lugar mucho mejor."
No xardín teñen lugar exposicións, investigacións, ciclos de cine de vangarda e poesía (Poecitrics)... recuperando a actividade tan pródiga de arte e cultura asociada a estes lugares. Cidras, limóns, sanguinas, bergamotas, mandarinas, limas, pomelos... centos de variedades, aromas e flores, sabores e sons no xardín El Bartolí.
 |
| Aviario do xardín segundo un proxecto de C. Höller |
