"Vida en el jardín"

 LIBRO

Vida en el jardín 

Penelope Lively

Editorial Impedimenta

"Un libro que aspire a ser una reflexión sobre los jardines y la jardinería debe rendir tributo al verde pensar bajo una sombra verde..." [segundo o poema de Andrew Marvell]

A rica cultura xardinística británica expresada nestas reflexións dende a literatura, a pintura, o debate filosófico sobre o pintoresco... pero sobre todo, dende a vida e a  experiencia práctica da autora e o seu home, no traballo físico dentro do xardín.

O xardín como ferramenta terapéutica; a literatura que o utiliza como símbolo ou presaxio do acontecer dos protagonistas; a crítica das modas contemporáneas baseadas nos catálogos ou centros da xardineria comercial; as feiras hortícolas, as visitas do Yellow Book ou as exposicións florais de Chelsea; o clasismo dentro do xardín e a utilización da flora polas élites... Penelope fala dos xardíns da súa familia, dende o exipcio da súa infancia ata os creados por ela mesma e o seu marido nas distintas casas, reflexo das etapas da súa vida. 

A rica historia do xardín británico en reflexión hipotética dende o Neolítico ata os xardíns silvestres de Gertrude Jekyll e Robinson a comezos do século XX. Dende a paisaxe inglesa popularizada no século XVIII por Brown e Repton coa renovación de todas as grandes propiedades das élites aristocráticas ata o xardín victoriano e eduardiano...  pero en definitiva, segundo a autora, o xardín como espazo que desafía ao tempo e e reducto de orde e pragmatismo.

Lively fala da súa experiencia coas plantas, as rosas, as flores migrantes, as que dan o salto dende os xardíns ao campo aberto e viceversa e... polo tanto, fala da experiencia da  vida, da frustración cos erros cometidos e do paso do tempo traballado axeonllada dende a terra. O xardín.

"Sea plantando en una maceta o en una finca en Gloucestershire, has adquirido la personalidad de una jardinera, y, con ella, la visión que la acompaña. Para mi, la vida en el jardín ha sido instructiva y esencial; me ha dado ojos de jardinera y otra manera más de observar lo que me rodea, y una ocupación duradera y enriquecedora, ya estuviera ahí fuera con las manos en el jardín o solo practicando la jardinería en mi imaginación..."